Psa 21 | VulgJ | STEP | in finem pro adsumptione matutina psalmus David victori pro cervo matutino canticum

Psalms 21

1 in finem pro adsumptione matutina psalmus David ^va 2 Deus Deus meus respice me quare me dereliquisti longe a salute mea verba delictorum meorum ^va 3 Deus meus clamabo per diem et non exaudies et nocte et non ad insipientiam mihi ^va 4 tu autem in sancto habitas Laus Israhel ^va 5 in te speraverunt patres nostri speraverunt et liberasti eos ^va 6 ad te clamaverunt et salvi facti sunt in te speraverunt et non sunt confusi ^va 7 ego autem sum vermis et non homo obprobrium hominum et abiectio plebis ^va 8 omnes videntes me deriserunt me locuti sunt labiis moverunt caput ^va 9 speravit in Domino eripiat eum salvum faciat eum quoniam vult eum ^va 10 quoniam tu es qui extraxisti me de ventre spes mea ab uberibus matris meae ^va 11 in te proiectus sum ex utero de ventre matris meae Deus meus es tu ^va 12 ne discesseris a me quoniam tribulatio proxima est quoniam non est qui adiuvet ^va 13 circumdederunt me vituli multi tauri pingues obsederunt me ^va 14 aperuerunt super me os suum sicut leo rapiens et rugiens ^va 15 sicut aqua effusus sum et dispersa sunt universa ossa mea factum est cor meum tamquam cera liquescens in medio ventris mei ^va 16 aruit tamquam testa virtus mea et lingua mea adhesit faucibus meis et in limum mortis deduxisti me ^va 17 quoniam circumdederunt me canes multi concilium malignantium obsedit me foderunt manus meas et pedes meos ^va 18 dinumeraverunt omnia ossa mea ipsi vero consideraverunt et inspexerunt me ^va 19 diviserunt sibi vestimenta mea et super vestem meam miserunt sortem ^va 20 tu autem Domine ne elongaveris auxilium tuum ad defensionem meam conspice ^va 21 erue a framea animam meam et de manu canis unicam meam ^va 22 salva me ex ore leonis et a cornibus unicornium humilitatem meam ^va 23 narrabo nomen tuum fratribus meis in media ecclesia laudabo te ^va 24 qui timetis Dominum laudate eum universum semen Iacob magnificate eum ^va 25 timeat eum omne semen Israhel quoniam non sprevit neque dispexit deprecationem pauperis nec avertit faciem suam a me et cum clamarem ad eum exaudivit me ^va 26 apud te laus mea in ecclesia magna vota mea reddam in conspectu timentium eum ^va 27 edent pauperes et saturabuntur et laudabunt Dominum qui requirunt eum vivent corda eorum in saeculum saeculi ^va 28 reminiscentur et convertentur ad Dominum universi fines terrae et adorabunt in conspectu eius universae familiae gentium ^va 29 quoniam Dei est regnum et ipse dominabitur gentium ^va 30 manducaverunt et adoraverunt omnes pingues terrae in conspectu eius cadent omnes qui descendunt in terram ^va 31 et anima mea illi vivet et semen meum serviet ipsi ^va 32 adnuntiabitur Domino generatio ventura et adnuntiabunt iustitiam eius populo qui nascetur quem fecit Dominus

^va